Gine: won luulndiiɓe njogiiɓe cikkitaaje mawɗe ko faati e doggol kesol woote ngol laamu nguu yaltini ñande aset ɓennuɗo oo. Ko ɓuri miliyonji njeegomo wootooɓe mbinnditaama e ngol doggol kesol. Cellou Dalein Diallo, gardiiɗo lannda UFDG andinii wonnde o haɗaama winnditaade. Ɗum noon, e bi’ol makko, ko haɗdemo tawtoreede suɓngooji lefol laamu nguu. Oo gonnooɗo hooreejo jaagorɓe leydi ndii ñiŋii limooje tawaaɗe e ngol doggol. Omo sikki wonnde binnditagol ngol ko ko ɓeyda e nder diiwe ɗe laamu nguu jogii jinnganooɓe heewɓe, hono Kankan. O hollii wonnde ko ɗuum saabi diiwaan Kankan ɓuri Konakiri heewde wootooɓe.
Heɗoɗen Cellou Dalein Diallo
Départ link
