Hannde e altine ñannde 15 lewru 1ɓuru 2024 ka taskaram men On Tottaama Konngol, en yewti hannde fii Gine. Jonte tati caggal nde ndee loonde kuɓɓam nden sumi Konakiri, leydi ndii haa jooni no e caɗeele karbiran. Hooreɓe ɓen hu’ii faabo e leyɗe kawtalje maɓɓe wano Sarlon, Senegaal e Koddiwaar ngam wallitorgol ɓe karbiran. Kono ko heɓii kon alaa e yonude. Otooje ɗen ko liitir 25 tan yananaa soodugol ka yeeyirɗe kuɓɓam, motooji ɗin kañum liitirji jowi. Ɗum no woni hannde sabu ɓeydagol coggu kuɓɓam ɗam ka yeeyirɗe (ka pompi) ñaameteeji ɗin fow coggu mun no ɓeydii ka jeere. E bi’ol ɓiɓɓe leydi ndii, coggu hay e huunde hoyaa hannde e nder Gine. Ko holɗum woni e battinde e nguurdam ginenaaɓe? Kañum e faggudu leydi ndii? Ko pehe honɗe hooreeɓe laamu faddewu ngun haani ɓamude ngam re’ude ɗee caɗeele?
Gine, habbiiɓe soodugol karbiran. © rfi fulfulde / Mammadu Jongaasi BAH
Hiɗon waawi neldude men lamndal ngal yiɗuɗon yo men jaabo e guurol. Okkee miijo mon e ndee toɓɓere ka tongoode watshapp : 00221766441280.Heɗee jeewte O.K. fow ka kelle O.K. Facebook e Twitter: RFI FULFULDEOn Tottaama Konngol ko ñalaande kala gila njamndi 13:15 faa 13:30 (GMT).
