Caggal fiyanɗe waɗuɗe Asharaan e Murja e alalbaare ndee faade e konu Mali, alkansaare hanki, hawande waɗii e daakorde konu to wuro Jura e Serkel Tenenku e diiwal Mopti.Salndu CSP, jeyaandu e fedde CMA, ɗe bouteur jogiiɓe kaɓirɗe Mali hollitii wonnde ko kamɓe yani e ndee daakorde konu. Ko e on saha kadi kuliyankoojo waɗi piyanɗe goɗɗe to wuro Menaka, fuɗnange Mali.
Saakitaama ñannde : 29/09/2023 – 18:05
1 mintj
E bi’ol konunkooɓe Mali, ndee piyande waɗi ko e yamnde 16 silmaaji 45. Ko piyande wara-wartoore waɗande faade e ndee daakorde Juura, to hakkundere leydi. E nder ɗum, konunkooɓe nantinii eɓe liñude e nder nokku oo ngam riwtuude ɓee waɗuɓe oo bone. Caggal ɗii kabaaruuji, ɓe jonnaali limmore maayɓe e barmuɓe. CSP, Fedde jogiide kaɓorɗe, ɓayyinii e nder talkuru wonnde kamɓe mbaɗi ndee fiyannde. Kono wona ngol woni laawol aranol, ɓee jogiiɓe kaɓirɗe no yana e dow daakorɗe konu e nder hakkundeere Mali.Piyande waɗiino e ndee daakorde e hitannde 2019, fodde konunkooɓe 21 mayi e mayre e fewndo laamu Ibrahiima Buubakar Keyta.Heɗen mbaawi wiide wonnde, caggal ɗee piyannɗe to rewo Mali, ɓe fuɗɗii yanude e daakorɓe faade hakkundeere leydi ndii.Menaka, fedde jinganoore lislaamu jeyaande e Alqada, nanntinii wonnde ɓe waɗii fiyande liddu fedde jinganoore laamu faddewu Mali. Nden hollitii wonnde nde dartike ɓe nde ndiwtii ɓen jogiiɓe kaɓirɗe.
