Ndee eɓɓoore sariya ko faatii e naɓugol Ruwanda ɗannorɓe laawi ɗi rewaa sariya naatii Prolixe Bretagne ndartete e talaata e hannde alarba ka suudu sarɗinkooru. Suudu ñaawirdu mawndu leydi ndii kagguno walla yiltuno e lewru 11ɓuru faltiindu eɓɓoore ndee. Woɓɓe e sardiyankooɓe sengoo ñaamo e nguu mbatu, no faala sattinnde sariya on. Faatumata SI SAAWAANE
Saakitaama ñannde : 17/01/2024 – 13:33
1 mintj
Ndee eɓɓoore sariya Prolixe Bretagne ko faati e naɓugol fattiiɓe leydi maɓɓe, Rwanda fuɗɗoranii Rishi Sunak, hooreejo jaagorɓe ɓen satteende, sabu wonaa wondiiɓe makko tawtimo e oo sariya. E lewru 11ɓuru ƴaɓɓiindu, suudu ñaawirdu mawndu ndun yiltuno eɓɓoore aranere makko. Sariya oo rewii e juuɗe parlemen on e lewru 12ɓure. Woɓɓe e sardiyankooɓe sengoo ñaamo, ɓurɓe ɗuuɗude e nguu mbatu, no faala sattinnde sariya on. E bi’ol maɓɓe, himo hoyi pandi sabu ko o yaanani cuuɗi ñaawirɗi accirgol ɓaawo walla ronkude huutorde goɗɗi e sartiiji siifaaɗi e dow hakkeeji neɗɗanke. Yoga e maɓɓe no faala ittude toɓɓe newnanɗe ɗanniiɓe yaltinaaɓe e nder leydi ndii wullitagol. Nde tawi eɓɓoore sariya ndartaande ndee ko karahan feƴƴirta, ko e woote mayre arano ka suudu sarɗiyankoore alhaali on wonanta hooreejo jaagorɓe ɓen satteende, si ñaamo fedde nden laatini salagol jaɓude oo sariya. Faandaare ndee eɓɓoore ko naɓugol Rwanda kala ɗannorɗo laawol ngol rewaani sariya naati Prolixe Bretagne, haa kaydiiji makko ndarte.
