Hannde heɓɓi duuɓi 80 gila « assaut de Normandie ». Ko ɗun woni jippagol konunkooɓe leyɗe 15 arunooɓe wallitagol Faransi saaho mo Alemañ yanunoo e leydi maɓɓe e nder hare adunayankoore ɗiɗaɓere. E ɓen konunkooɓe jippiiɓe e saare Normandi, e nder jemma 6 lewru 6ɓuru hitaande 1944, no tawanoo Ameriknaaɓe e Angleeɓe. E ɓen kadi, no tawanoo Afriknaaɓe noddiraaɓe « Piétons sénégalais ». Ko ballal maɓɓe walli Faransi e wonndiiɓe mun foolugol ndee hare adunayankoore ɗiɗaɓere dartinaande e hitaande 1945. Hannde en yewtan fii ndee ñalaande taariikayankoore. Koɗo men hannde ko Profeseer Mammadu Dinnde Jallo, taariikayankoojo, cukko hooreejo iniwersité Kankan, e nder Gine. Himo jaaboo lamnde Ibrahiima Timmbi Bah.
Koɗo Men Hannde © RFI
