Balɗe jowi caggal ndee hawannde waɗi e nder Israayel, Hooreejo Faransi Emmaniyel Makron ƴettii konngol caggal yamɗe seeɗa gila nde o jaɓɓii écope politik leydi ndin. O waɗii yewtere makko nden ka telewisiyon, o yewtii fii ɗee hare wonɗe Israayel fewndo ɗoo. O noddii faransinaaɓe e ngootaagu, o hollii saɗteende nde o heɓi e battane ndee aggitannde nde Hamas waɗi liddu Israayel. O anndinii wonnde Israayel no jogii hakkee danndugol hoore mum. O noddii Israayel no danndu e kadi yo ɓe wooro siwilɓe Gaza. E nder yewtere makko o anndinii wonnde faransinaaɓe 13 maayii e nder oo musiiba. Ko ɓuri sappo e maɓɓe kadi no jogaa. E nder leyɗeele Erop ɗen, ko Faransi ɓuri hayrude yimɓe e ndee hawannde.
Saakitaama ñannde : 12/10/2023 – 22:26
