Caggal nde fedde dawro makko hayri wooteeji sarɗinkooji Dental Erop, ñannde 9 lewru 6ɓuru feƴƴundu, Emmaniyel Makron ƴettii pellital follugol sarɗinkooɓe suudu mbatirdu ndun. Wooteeji kesi no tijjaa e nder jonte ngarooje ɗen. E nder jonnde jaaynirɗe nde o waɗi hannde, hooreejo Faransi wi’ii wonnde himo fawtii halfaaku makko e ngal pellital follugol sarɗinkooɓe parleman on. O wi’i kadi ko fii teddingol faale faransinaaɓe, nde tawi buy e maɓɓe wootanii ɗee spatule dawro seɓitiiɗe. O hollii wonnde o faalaaka ɗee spatule ƴetta laamu ngun e hitaande 2027, ko ɗum waɗi himo nootoo tikkere wootiyankooɓe ɓen. Keɗoɗen mo…
Saakitaama ñannde : 12/06/2024 – 22:03Hesɗintinaama ñannde : 12/06/2024 – 22:11
1 mintj
Min mi faalaaka jonnugol caabiije laamu ngun e wooteeji ngarooji e hitaande 2027 spatule dawro seɓitiiɗe fantiyankooje ɗen. Miɗo fawtii halfaaku am tawde mi memminii dillere laɓɓinirde alhali. Go’o tawde faransinaaɓe lamndike men ɗum alat feƴƴunde, si faransinaaɓe 50 e nder teemedere wootanii spatule dawro seɓitiiɗe ɗee, tawa kadi ko ɓural hakindiingal jogiɗon ka suudu sarɗinkooru, on mbaawataa wi’ude jokkiren nii, wa tawii hay huunde waɗaali. Haray ɗum wonaa teddingol ɓe. Huunde ɗiɗaɓere nden, ko ɓayri miɗo faalaa guwernam waawoowo gollude, o jaaboo tikkere faransinaaɓe e hawjiraaɗi maɓɓe keñoraaɗi, ado sungooji ɗin e si wooteeji ɗin gasi, en mbaawan, mi wi’a toodena, no waɗɗii en waɗugol kaaldal/ diisindiral yeɗɗungal, moftoowal e udditiingal. Miijitoɗen kadi noone no en fow golliranten Faransi. Ɓii-leydiiɓe e hooreeɓe spatule dawro ɗuuɗuɓe ɓe tinaa ko’e maɓɓe e ɗee spatule dawro seɓitiiɗe no waawi golludigol e ardiiɓe ɓen ngam darnude eɓɓoore heyre, kawtital eɓɓooje.
