To Mali, fedde daraniinde hakkeeji ɓiɓɓe Azawad ɓayyinii, aset hanki, ciimtol mum ko faati joolgol hakkeeji neɗɗanke. E nder ngol ciimtol, ngol kelle 70, fedde ndee limtii ndenndaangal geɗe bonɗe, baɗaade faade e siwileeɓe ɓee e kuuɓal. Fedde daraniinde hakkejii ɓiɓɓe Azawad ndee tuumi ko konu Mali e wallidiiɓe maɓɓe Risinaaɓe. Nde anndinii wonnde fodde yimɓe 553 mbaraama to rewo e to wuddu leydi Mali.
Jantoore Alhuseynu BAH
Racine link
