Mali sape dawroyankooje ukkitike kanje kadi e alhaali ɗaɓɓugol feere ngam ñippude caɗeele wonuɗe e nder leydi ndii gila jonte. Alhaali Mali wonii huunde maapinnde fewndo ɗoo. Ko ɗum addi sape dawroyankooje goɗɗe siifugol e ndee talaataare piilol ngol ɓe nanondiri « noddaandu sape dawro fii jam e deeƴere Mali ». Faatumata SI SAAWAANE
Saakitaama ñannde : 20/09/2023 – 13:32
1 mintj
Hiɗe ɓuri sape dawro 20 siifuɗe ngol piilol ngol ɓe nanondiri e dow mum. Ɓee hooreeɓe politik ƴettii ngal pellital sabu ɓeydagol fiyanɗe liddu siwilɓe e konunkooɓe e nder Mali e ɗee jonte ɗiɗi sakkitiiɗe. E bi’ol maɓɓe, ndee finnde ko ngam ɗaɓɓude laawol kaaldal hakkunde hooreeɓe e sape joggiiɗe kaɓirɗe wonɗe fuɗnaange leydi ndii. Heɗoɗen Silaamaka Dikko, gooto e siifuɓe ngol piilol.E bi’ol Aamadu Koyta, ardiiɗo fedde dawro « PS Yelen Kura », ngol piilol ngol ɓe siifi ko huunde aranere e nder golle ɗe dawroyankooɓe ɓen anniyii waɗude fii no Mali heɓira ɓuttu e deeƴere.Ngoomu joɗɗinte e nder ɗee balɗe arooje ngam laatingol eɓɓooje ɗe ɓee dawroyankooɓe ƴetti fii yaltingol Mali e ɗee caɗeele.
