Ene satti waasde jokkondirde ndee eɓɓoore e njeeyngu ɓaleeɓe. sabu hay e dalilluuji ɗi laamu ngu tottiri ko ngam wallude ɓee yimɓe yaltinanooɓe nawa njeeyoya e leyɗe raneeɓe, mbaawa yiitude iwdi mumen. Wonannde laamu ngu ko ɗum saabi ndee eɓɓoore adda. Waawi heɓde e ɗi kaytaaji ko kala neɗɗo gonɗo e winndere nde taw iwdi mum ko Afrik ɓaleeri jaltinaaɗo duunde nde sabu njeeygu ɓaleeɓe e maccungaagu. Ɓeen yimɓe ene tawe to Haiti, Bresil, Caraibes e Etats unis.
Saakitaama ñannde : 09/05/2024 – 19:45
1 mintj
Kaaytaaji ɗi ko nii ɗaɓɓirte, waɗde ɗerewol naamndaade ɗii kaaytaaji e addorde ɗereeji kollirooji iwdi ma ko Afrik. So tawi aɗa haanndi e heɓde ɗi, totteɗa passavant leydi ndi mo happu duuɓi tati. Keɓal kaaytaaji teeŋtinooji jeyal ma e leydi ndi fiyondiri ko gonal neɗɗo o e nder leydi ndi fodde saha hade passavant mum gasde. Caggal ndee eɓɓoore, ene woodi nafoore arooɓe yillaade e jaɓɓal paayodingol e keɓtingol. Patrice Talon yehi ko ɓoyaani to Martinik kadi felliti neldude konunkooɓe mum to Haiti. E 10 lewru gooɓuru ɓennundu, o yuɓɓiniino ñalɗi leñol “vodou” en, pottital ngal ngannduɗa jogiiɓe iwdi Afrik heewɓe ngariino tawtoreede.
