Burkina Faso, guwerneman laamu faadewu ngun hollitii hanki wonde ɓe bonnii peeje, yimɓe faalanooɓe samminde laamu maɓɓe. E talkuru ndu ɓe feñini ka tele leydi ndin, ɓe anndinii wonde ko ofisiyeeɓe e yimɓe woɓɓe tuumaa jogaade anniye sammingol laamu ngun nanngaama. Abdullaay Jallo
Saakitaama ñannde : 28/09/2023 – 16:40
1 mintj
Woɓɓe e konunkooɓe tuumaaɓe ɓen no ɗaɓɓiteede. Ɓee ɗoo tuumaɓe e dow oo alhaali anniya maɓɓe wonnoo ko naanude leydi ndin e fitnaaji, bonnugol tugaale laamu, ko ɗum tenini hollitol ngol.Ko adii porkireer konunkooɓe on laɓɓinde oo alhaali,, guwerneman on anndiniino wonnde hiɓe nimsi sabu ko ɓee ɓiɓɓe leydi ndin darii ngam bonnude leydi maɓɓe. Kono guwerneman on wi’i wonnde ɓe jeertinii, kono ɓe holnii jamaa on ko jam tan laatoto. Kono eɓe eerii nde ɓiɓɓe leydi ndii e waasde wattude hakkilaaji maɓɓe e yoga e kabaruuji yaltinteeɗi e meejaaje renndo tawa e no joofi wodɓe e ardiiɓe leydi haa tinŋti non e gardiiɗo konunkooɓe leydi ndin e m abasadeerjo Burkina to Gaana.E talaata yawtuɗo ujunaaji yimɓe yaltuno ka laawi Ouagadugu ngam hollude wondigal maɓɓe e hooreejo laamu faddewu Ibrahim Traore.E siftinde e lewru sappo e goaɓuru yawtundu, porkireer konnunkooɓe andino ɓe ngantino kadi samingol laamu kapiteen Traore e caggal ɗum ɓe fawuno juuɗe konnunkooɓe.
