Altine hannde18 lewru jeetatiɓuru waɗi duuɓi joyi ko konunkooɓe ɓee liɓnoo laamu Ibrahim Boubacar Keita. Ɗum wonnoo ko e e hitaande 2020. Gila ndeen, Mali woni ko e juuɗe laamu faddewu. Nguun laamu saabiima waylugol dawrugol ngol, cuɓagol peeje mawɗe to bannge kisal. Duuɓi joy caggal ɗuum, caɗeele mawɗe ina keddii haa jooni. Lajal laamu faddewu nguu ɓeydaama duuɓi joyi goɗɗi baawɗi hesɗitineede e sahaa kala, haa ñande jam arti e leydi ndii fof. Njannguuji kuliyankooɓe ina ɓeydi tampinde nguurndam ɓesngu nguu, caɗeele uyki walla kuɓɓam safraaka, ŋakkeere ndimaagu konngol ina hulɓini yoga e binette jaambureeje e gollodiiɓe laamu nguu wonɓe caggal leydi ndii.
Jaŋtoore Abdullaay Jallo
Amont link
