Hooreejo luulndo Gine Bisaawo, Domingos Simaws Pereyra, toɗɗaama kanndida lannda PAIGC e woote gardagol leydi ndii, baɗooe ñande 23 11ɓuru ndee ɗoo hitaande. E nder wootooɓe teemede tato e capanɗe njeeɗiɗo, luulndiiɗo mawɗo leydi ndii, e wonnde mbo gooto tan kollirɗo kanndida mum, o heɓii daaɗe teemede tati e capanɗe joyi e jeenayi, ko njeenayo tan ngoni ɓe ngootanaanimo, daaɗe ɗiɗi keddiiɗe ɗee laaɓtaani.
Wonannde ndeeɗoo suɓannde, Domingos Simaws Pereyra ñiŋii laamu nguu ko faati kaalis jaltinteeɗo faade suɓngooji ɗii e eɓɓaande feewnugol karte woote ɗee e nder leydi ndii. E bi’ol makko, ndee eɓɓaande bonnat yiɗde ɓiɓɓe leydi ndi e haɗde tawtoreede ƴeewndotooɓe suɓngooji ɗii ummortooɓe e leyɗe janane ɗee. Simaws Pereyra ina ñaagii reenooɓe kisal ɓee nde ngoɗɗotoo kala ko faati e caɗeelee politik.
Entrée link
