Ruusiya, ko miliyonji 112 woni ko fuɗɗotoo woote gila e ndee jumaare. Woote ɗee alaa kumpa, sabu fow hino anndi ko Vladimir Puutin hooreejo leydi oo woni ko suɓetee. E nder ɗii duuɓii 6 arooji o jokkitoto laamu e hoore leydi ndii. E nder duunde Afrik, Vladimir Puutin ɓeydanii Mosku cemmbe e baŋŋe diplomasi e ɗii duuɓi sakkitiiɗi ɗoo. Ko faati e deenaagu merseneerɓe maɓɓe addaama e leyɗe ɗuuɗuɗe, hono Mali, Santrafrik maaɗum Liibiya. Mosku no gollidude kadi e yimɓe jeyaaɓe e spatule sosiyete siwilje Afriknaaɓe battinooɓe e mejaaje renndo . Ɗum saabike yo leyɗe goɗɗe gollidaynooɗe e leyɗe hirnaange tentinii Faransi, yo ɓadondirii e Ruusoya. Ngam taskagol jokkindiral Ruusiya e Afrik e ɗii duuɓi sakkitiiɗi ɗoo wonndude e arooji , Ibrahiima Timmbi Bah hino jaɓɓii Dr Abdu Bah hertorɗo dawro.
Vladimir Putiin e nder yewtere makko ngenndiire hitaandeyankoore., ñannde 29 lewru 2ɓuru 2024. REUTERS – Evgenia Novozhenina
