Jaagorɗo(ministeer) ngaynaaka e coñte ngaynaandi senegaal keso ko daawuuda jah.
Eey soklaa tan ko jaagorɗo garɗo daranaade jawdi leydi ndi e aynaaɓe jawdi ndi, kono kay woto won tan darantooɗo renndo ngo e dowu jawdi ndi e aynaaɓe mum.
Aynaaɓe ɓee poti ko waɗtude hebleede haa ɓeydoo waawde wuurde nguurndam moƴƴam pooftaɗam e njeñtude njonoori leydi ndi e kala waktu gonaaɗo.
E kadi gaynaako senegaal e jawdi mum ɓurnee aynaaɓe leyɗe goɗɗe e jawdi mum en, hono no marsandiis senegaal fotndiraaka e marsandiis leyɗe takkiiɗe ɗum ni.
Leydi ɓamtotoondi(emergence) ko maa wuura e njeñtudi(produits) mum.
So en ndokkii yeru : ɗoo e risaa tool na woodi ɗoo neɗɗo gooto tan e pellital mum e ganndal mum, omo darni ɗoo wayluru kosam na wiyee DOLLIMA.
Kanko oon ɗoon suka gorko bagore baccili o darni wayluru fenndo kosam ngam tan tan wallude diiwaani risaa tool haa teeŋti e aynaaɓe no ɓamtorii e njeñtudi nayi mum en , kanko bagore baccili ko o waɗi ko e no o waɗiri ni na heewi mi waawaa siimtude e fiildaade ɗum ɗo nii tan.
Kono kam o hollii aynaaɓe ɓe no nehirta nayi mum en nehngo heewnoowo kosam tawa kadi ɓe tampaani e ñaammin’gol, wayluru makko ndu soodat kosam ɗam ɓe nguura e kosam ɗam tawa ɓe njeeyaani nayi maɓɓe, ɓe eggaani eɓeni koɗi e gure maɓɓe sukaaɓe maɓɓe na njannga no sukaaɓe senegaal janngooɓe ɓe njanngirta ni.
O holli ɓe hay waɗtude dubuuje nayi ɗi gaas kuɓɓam,heewɓe e maɓɓe hannde nattii teen’de leɗɗe kuɓɓe a nattii bonude leɗɗe taariindi mum en.
Neɗɗo gooto tan waawde waɗan’de yimɓe nduu hebluru wuurnooru aynaaɓe e yeñto kosam nayi mum en, saka noon ko wiyetee jaagorɗo e laamu mum.
Idriisa ka binndo biɗto
