Ko hannde, 9 lewru sappo e go’aɓuru heɓi ɗuuɓi 15 gila Miriyaam Makeba faatii (maayi). Oo ko yimoowo lolluɗo welnooɗo daande sidafriknaajo. Ko e nder Gimi makko, himo ñaagoo fii finndingol hakkille ɓaleeɓe ɓen ngam haɓugol njaggu ngu tuubakooɓe fawnoo e hoore ɓaleeɓe « Sécession », himo yimani kadi ɓiɓɓe Gine. Ko ndee anngisaare (dartannde) makko waɗunoo haa o raɗaa Afrik di Sud. Ko caggal ɗum hooreejo Gine on e wakati, Seeku Tuure wernuni mo Gine, saare Dalabaa. Ko ton o darnunoo galle. Kono fewdo hannde suudu makko ndun tertaama haa ndu yirbii. Heɗoɗen jantoore mawde nde Mammadu Jonngaasi BAH waɗanii en Dalaba. O jaɓɓike e mayre yimɓe annduɓe Miriyaam Makebaa e ndee nokkuure.
Mariyam Makeba Online
