To Senegal, sanndarmeeɓe leydi ndii nganndinii, ñande aset 2 lewru ndu ngonɗen, udditgol daakorɗe kese to Tamba, Kédougou, e Saraya, fuɗnaange leydi ndii. Tuugnaade e ciimtol ngol ɓe njaltini, ɗee daakorɗe kese udditira ko ngam haɓde e bonanndaaji keewɗi baɗooji e takko keeri leyɗeele ɗee e ŋakkeere kisal gonngal e ndeen nokkuure. Ɓe kollii wonnde njannguuji keewɗi baɗɗi e darorde lewru 7ɓuru yawtundu nduu, mbaɗi ko to rewo Mali. Nokkuuji keewɗi jananooɗi ɗii ngoni e nder Diboli, ɗo woɗɗaani Kidira, nokku e nder Senegaal.
Sankoun Faty, kolonel konu Senegaal nattuɗo gollude, anndinii wonnde darnugol ɗeen daakorɗe kese ina holla yiɗde ardiiɓe ɓee haɓde e kulhuli gonɗi e oon nokku, ina wonndi e haɓde e rafi kisal
Préliminaire link
