Hiwooɓe/ayinayɓe keeri Sawdi Arabiya warii teemeɗɗe ɗanniyannkooɓe Ecopinaaɓe. Ɓen waraaɓe ko falanooɓe naatirgol ka Golf keerol hakkunde maɓɓe e Yemen e lewru 8ɓuru hitaande 2022 haa e lewru 6ɓuru hitaande 2023 e bi’ol « Human Rights Watch ». Kono ardiiɓe Sawdi Arabiya yeddii ɗum, Leyɗe ndentuɗe Amerik kañum no lamndii yo tefoore uddite e oo alhaali. Ummu BAH
Saakitaama ñannde : 22/08/2023 – 13:44
1 mintj
Ɓee yeesooɓe Sawdi yedii ko ndee fedde tuumiri ɓe kon. Tuumannde wi’unde wonde halfinaaɓe kisal keeri fellii Ecopinaaɓe ɗuuɗuɓe falanooɓe taƴƴitirde ka keerol hakkunde maɓɓe e Yemen. E bi’ol ƴetanoowo konngol dental adunaaru ONU, ngol cimtol ndee fedde no maapini.O tenntinii wonndema Sawdi Arabiya no tuumiraa ko tiiɗi. Leyɗe ndentuɗe Amerik jokkondiraaɓe laamiiɓe Golf lamndike ɓe udditugol tefoore fii mun. E bi’ol gooto e ƴettanooɓe konngol suudu laamordu Amerik, ɓe anndinii guwerneman Sawdi on fii ko maapiniɓe kon. O ɓeydii ɓe torike ɓe uditugol tefoore laaɓunde e hunnugol ko farliiɓe, ka tedidinngol hakke neɗɗo. Human Rigth Woch hollii ko ɗanniyannkooɓe Ecopinaaɓe 38 tawanooɓe e ɓen loriiɓe ɓe heɗii fii anndugol ko feƴƴi kon. No tawaa kadi e seeditanɗe maɓɓe goɗɗe mbodooji ɗi satéliit ƴetti, widewooji e nate sennditaaɗe e nder ɗii mejaaji renndo. Ɓee seedeeɓe hollii ɓee halfinaaɓe kisal ɗii keeri huutorno alaaji fetayɗi wonndude e fellugol. Ɓe ɓeydi hari ɓen koonunkooɓe lamndotooɓe ko honto e nder ɓalli maɓɓe ɗin ɓuraniɓe felleede.
