Fedde daraaniiɗe hakkeeji neɗɗo wi’eeteende « Human Rights Watch » yaltini talkuru hanki. E nduu holla holno ɓiɓɓe Mopti, Gaawo, Tommbuktu e Nara no nguurdi e torraaji mawɗi so wonaa jihaadiyankooɓe ko konunkooɓe leydi ndii e ballal Wagner saabi ɗee généreuse maɓɓe. Human Rights Watch anndinii wonnde yimɓe 200 mbarama e nder lebbi 7 e ɗee diiwe .Jantoore Olel TALL
Saakitaama ñannde : 02/11/2023 – 20:06
1 mintj
Human Rights Watch hollitii wonnde terrorist en Jmin jeyaaɓe e Al-Qaida mbari ko ɓuri siwil en 160. Konunkooɓe Mali kamɓe ne mbarii ko ɓuri yimɓe 40 gila lewru 4ɓuru ɗum ina hawri e saha mo fedde kuliyankooɓe Etat Islamik heɓti diiwan Ménaka. E bi’ol Ilaria Allegrozzi, kertorɗo witto nder Human Rights Watch ko lewru 4ɓuru nde Etat Islamik heɓti nokkuuji Tiderméne kam e Ménaka ko ɗon kisal ɗii diiwaanuuji bonni.Nduu talkuru ina hollita njangu baɗɗoonoongu e darorɗe lewru 9ɓuru e laana ndiyaam to diiwan Tombouctou. Seedeeɓe ɓe nde fedde namni kollitii ma won 120 yimɓe maayi e nguu njangu. Ndee limoore soowi labbi ɗiɗi ko hooreeɓe laamu faddeewunguu nganndino.Ndee fedde darraniinde hakkeji neɗɗo hollitii e nder nduu ciimtol konunkooɓe Mali mbaɗii warngooji to diiwe Tabakoro, Gadougou e Sambani. Seedeeɓe namnaaɓe e oo alhaali mbi’ii e nder winndannde ndee ko Wagner wallanno konunkooɓe lorrude yimɓe diiwe ɗee. Baŋŋe goɗɗo oo ko turfiste seɓɓitiiɓe ngonni e duppude cuuɗi , wujjuude jawdi kam e yannde e dow rewɓe ɗee diiwe. E bi’ol Ilaria Allegrozzi ɓiɓɓe ɗee diiwee ala fof no ɓee cuusi woytaade…
