Leydi Guinee ina anniyii yuɓɓinde suɓngooji Eey walla Alaa ko wi’etee « referendum ». Ɗum wonata ko e lewru 9ɓuru faandu nduu. Ɗiin suɓngooji ko ngam waylude doosgal mawngal leydi ndii. So « Eey » laatiima, general Mamadi Doumbouya ina waawi jeyeede e ƴamooɓe lefol laamu e suɓngooji hooreejo leydi paaɗi. Sabu ngal ɗoon doosgal kesal maa rokkumo fartaŋŋe wonde kandida. Kono e bi’ol Cellou Dalein Diallo, gardiiɗo fedde politik UFDG, ɗee woote ko keftugol laamu ngol fawaaki e sarɗi. O anndinii wonnde lannda makko oo yahdaani hay e sahaa go’oto e oo « referendum » kuccanaaɗo.
Keɗoɗen
Départ link
