Cameroun: Hooreejo Paul Biya waɗii wondoore mum alkamiisa hanki to Yaoundé wonannde laamu makko jeetaɓol e hooreyaaku Cameroun. Ñalawma mawningol kadi duuɓi 43 gila o jooɗii e dow jappeere leydi ndi. Kewu nguu waɗi ko to suudu sarɗiije, yeeso depiteeɓe ɓee, senaateeruuji, e terɗe laamu ngu. Nguu waɗi kadi ko e alhaali fitinaaji nder leydi ndi caggal suɓngooji ɗi. E nder konngol makko, hooreejo leydi ndii, mo duuɓi 92, noddii ngootaagungenndi ngam riiwtude dille kaɗooje ƴellitaare leydi ndii. Boly BA
Prélude link
