To Cameroun, ko e aseweere hannde depiteeɓe e senateerɓe ɓEe padaa to suudu sarɗiiji nduu ngam wootde eɓɓoore waylugol doosgal leydi ndii. Ndeen eɓɓoore lollinaande ñande alkamiisa jawtuɗo oo, faandaare mayre ko darnude jonnde cukko hooreejo leydi e laamu Cameroun, mo ngannduɗa ko kañum lomtotoo so hooreejo leydi ndii hawrii e lajal, rootiima golle walla ronkitii laamaade, o jokka oon manndaa haa joofa. So tawii wondiiɓe hooreejo leydi ndii Paul Biya ina njaadi heen, luundiiɓe ɓee ina ndiiwti eɓɓoore nde. E bi’ol Moussa Farissou, tawaaɗo e lannda FSNC, lannda luundiyankeejo mo Issa Tchiroma Bakary, ndee eɓɓoore rewaani sariyya.
Départ link
