Ambasaderjo Faransi Niijeer yaltii e leydi ndin, caggal jonte pooɗondiral hakkunde Paris e ciwliiɓe laamu ngun.
Faune Itte, ammbasaderjo Faransi yaltii Ñaamey hannde e alkamisa 27 lewru 9ɓuru. O hewtan Paris e yamɗe arooje ɗen. Hooreejo Faransi on, Emmaniyel Makron hollitiino alat kiikiiɗe, e yewtere nde o waɗi ka tele wonnde yaltugol waɗan ko ɓooya.
Nde tawnoo oo diplomaatjo e woɓɓe e gollidiiɓe makko no daakinoo ka nder ammbasaad ɓe yaltataa. Ɗum ko gila laamu Mohammed Bazum liɓaa e mayɗe lewru 7ɓuru e nder ndee hitaande.
Faune Itte ammbasaderjo yaltii Ñaamey o hammirii Njamena, gila ɗon o waɗɗotoo laana makko faade e Paris kanko e gollidiiɓe makko njeego’o, tuugaade e kabaaruuji dañaaɗi.
Origine link
