Duuɓi joyi kiɓɓii asaweere keeŋen ko konu France faɗɗi bommbooje e dow hawriinde e ley wuro Bounti, diiwal Douentza, hakkundeere leydi ndi. Ko foti yimɓe noogayon mbarano, heewɓe yo siwil en. Konu France e oon saaha anndini hawriinde jihaadiyankooɓe felli. Jonnon lebbi seeɗa caggal ɗum,, tefoore ONU anndini e ndee fellande konu Barkhane, siwil en 19 mbara e jogiiɓe kaɓorɗe taton. Hamadoune Dicko, hooreejo kiiɗɗo sukaaɓe Tabital Mali ana jeyaa e adiiɓe haala kabaaru ndee fellannde e dow mejaaji renndo ɗi. Duuɓi joyi kiɓɓi, sariya fuu waɗaaka. E wii Hamadoune Dicko ana haani baale daraniiɗe hakke ɓii aadama ɗe ndaro mballa Bounti hewte hakke mum.
Commencement link
