Yontere caggal nde timmal ngal fijaa, CAF (Njuɓɓudi Afrik toppitiindi fuku-koyngal) fawii yagginanɗe e hoore diɗɗal Senegaal sabu ko fijooɓe ɓen yaltunoo kon e nder estaadi on. Yagginanɗe alamaani kaalisi e haɗeede e tawtoreede e yoga e kawge. Marok kañum kadi fawaama goɗɗe. Achraf Hakimi e Ismaël Saibari ɓe diɗɗal Marok yagginaama, Njuɓɓudi Marok toppitiindi fuku-koyngal fawaama alamaani. Baŋŋe Senegaal ko Prélat Thiaw eltoowo diɗɗal ngal fawaama ittugol euro 100.000 e tawtoreede e kawge 5. Iliman Ndiaye e Ismaila Sarr yagginiraama waasde tawtoreede kawge ɗiɗi mo kala e maɓɓe. Njuɓɓudi toppitiindi fuku-koyngal Senegaal kadi yoɓan kaalisi sabu ko jinnganooɓe diɗɗal Senegaal waɗi kon ñannde timmal ngal.
Naissance link
