Yimɓe ɓuri miliyonji ɗiɗi eggii e nder Burkina Faso sabu rafi deenaagu. Gure ɗuuɗuɓe e ndii leydi ko e juuɗe kuliyankooɓe woni. Ndee hawre fuɗɗiinde gila hitaande 2015, saabike mayde yimɓe 17 000. E nder ɓen, 6 000 ko e ndee hitaande hikka waraa. Gure ɗuuɗuɓe ko uddaaɗe. E bi’ol fedde daraniinde hakkeeji neɗɗanke « Amnesty Oecuménique » ɗen gure uddaaɗe hino timmi 46. E nder majje, ñaametee alaa, ndiyam alaa, cuuɗi ñawndirɗi alaa. Holko saabi oo alhaali? Ko holno o ñawndirtee ? Ko Muusa Sawadogo hertorɗo kisal leyɗe woni koɗo men hannde. Ko Sori Ibrahiima waɗi yewtere nden. Ibrahiima Timmbi Bah e Muusa Umaar BARI firi ɗii konnguɗi ɗii.
[Natal yeru] © SidyYansané/RFI
