Burkina Faso jaayndiyankooɓe ɗiɗo, Luc Pagbelguem e Boukari Ouoba kam e dilloowo e bouteur siwil Lamine Ouattara nanganooɓe gila e lewru tataɓuru nawaa ngam wallude konunkooɓe ɓee, ngaccitaa alhamiisa hecci hanki. Ko ɗum jaaynde BF1 ɗo Luc Pagbelguem gollata e koreeji Boukari Ouaba cukko hooreejo fedde jaayndiyankooɓe Burkina (AJB) gandini hanki aljumaa. Ɗum waɗii balɗe jeegom caggal accitagol Kalifara Séré jaayndiyanke goɗɗo nanganooɗo kañum ne. Fedde reenoonde hakke ɓii aadama RSF hollii weltaare mum.
Prélude link
