To Tchad, wonii hannde lebbi nayi ko luulndiyaŋke laamu nguu Succes Masra naati kaso. Oo nanngaaɗo ñande 16 lewru 5ɓuru, ñaawaama duuɓi noogas (20) kaso ñande 9 lewru 8ɓuru, kadi o yoɓa miliyaar gooto kaalis cfa. Ɗum ko caggal nde o tuuma saabaade warngooji baɗɗi to Mandakao, worgo leydi ndii, e lewru 5ɓuru ndee ɗoo hitaande. Ngonka oon luulndiyaŋke e nder dummbordu nduu, ina hulɓini wonndiiɓe makko, teeŋti noon e koreeji makko. Chancelle Assyongar, banndiiko deebo, haali e faandu haala François Mazet mo RFI
Racine link
