Daawal 34ɓal deesewal fuku-koyngal leyɗeele Afrik fuɗɗike Koddiwaar gila hanki e asewe. Foolotiro ngon jokkan haa ñannde 11 lewru 2ɓuru ndee hitaande.
Saakitaama ñannde : 15/01/2024 – 04:40
1 mintj
Njaltundiiji ɗin e ɗee balɗe ɗiɗi, woodii ko haawnii e majji. Si tawii Koddiwaar udditirii foolotiro ngon poolgu liddu Gine-Bissaawo loggi ɗiɗi e kowal, Najeriya e Gine-Ekwatoriyal ko loggol gootol e gootol ɓe timminiri tiindondiral maɓɓe ngal. Njaltudi ŋalɗinndi, nde tawnoo no tijjaa nde Najeriya fooli e ngal kawgal. Diɗɗal Misra (Ejipt) kadi waawaali foolude Moozambik sabu ko ɗiɗi e ɗiɗi ɓe yalti, tawi ko hoore hoccoran kufune Misra sortii e nder tiindondiral ngal. Ko ɓuri non juhude ko nde Kapwer piyi Ghana ɗiɗi e gootol. Ɗum ɗoo kadi no waawaa siforeede kaawee sabu no habbanoo nde Ghana liɓi talli Kapweer. Ɓe ƴettii hooreyaaku guɓal B ngal. Janngo e altine 15 lewru 1ɓuru, ko Senegaal jooma deesewal sakkitiingal fijeede ngal e Gammbiya tiindondirta, Gine e Kamerun kadi no habbaa e ndee ñalaande janngo.
