Niijeer
Ardiiɓe leyɗe jeyaaɗe e dental CEDEAO, ƴettii pellital ittugol yagginanɗe pawaaɗe e hoore Niijeer. Pellital ngal yamiroore mum fuɗɗotoo kisan. Ko ɗum holliti ardiiɗo ngoomu ndii njuɓɓudi hirnaage afriyankoori hannde e asewe. Ngal pellital ƴettaama e ndee jonnde nde hooreeɓe dental ngal waɗi Abuja, laamorgo Najeriya. Ɗee yagginanɗe fawanooma e dow ndii leydi caggal nde konunkooɓe sammini laamu Mohammed Bazum e lewru 7ɓuru hitaande 2023. Keeri weeyo ɗin kadi udditete hakkunde Niijeer e leyɗe terɗe ngal dental. Ko ɗum hollitaa e ndee jonnde kuuɓal CEDAO hannde.
Saakitaama ñannde : 26/02/2024 – 16:56
Mbatu hooreeɓe leyɗe CEDEAO, ñannde 24 lewru 2ɓuru 2024, Abuja, Najeriya © CEDEAO
