Baasi wonɗo hakkunde Israyel e Palestiin naati e ñalorma mum jeegaɓo hannde. Fotde ujune ɗiɗi e temeeɗɗe tato maayii e baŋŋeeji ɗiɗi ɗii fuu. Antonio Blinken gonnɗo no e jillu to Israyel ngam tentinde ballal Amerik haɓude Hamas. Horeejo jagorɗe Israyel fodii bonnude ndee fedde hamas e nder ngal diiwal.
Saakitaama ñannde : 12/10/2023 – 20:10
1 mintj
Ko Antoni Blinken koolaaɗo kuuɓal laamu Amerik nanntii oo kabaru hannde gila Tel Aviv e dow jillu ngu o woni e waɗude to diiwal. O tinktinii ballal Washington faade e Israeel. E nder wowlaango ngo o waɗi hannde e yeso hooreeɓe Israyel, o hollitii Amerik e Israel jonnidiran juuɗe ngam ƴewtude peeje ko fewti e ɗee hare e nder Gaza. Israyel weltaniima Amerik e dow ngol konngol hooreejo jaagorɗe ɗe. Benyamiin Netanyahu, fodii bonnude fedde Hamas, o yamiri kadi nde fof tawnata ndee Hamas e fedde Diiwal Lislaamu.Piyanɗe ɗen dartaaki, ɗe mbaali saamude e nder Gaza hanki. haɓiyankooɓe Hamas nantini beete hannde wponnde ɓe piiɗi bombooje e lamorngo ɗiɗaɓo Israyel Tel-Aviv. Israyel nantinii hannde alkamisa, ɓe ittataa uddere nde ɓe waɗi ndee haa Hamas woppita ɓe ɓe naggi ɓee. Lawii ɗo boule dewata no ŋakki. Yoga e houe wano Kuruwaa-ruus e ONU, no njokki ƴewtude kaaldal ngam lawii heɓee fewde Gaza.Yoga e leyɗele wano Bereyaaniya Mawndi e Faransi puɗɗiima waɗude peeje ngam yaltinde ɓiɓɓe leyɗe maɓɓe e nder ndee nokkuure. Palot e leyɗele adunaru no njokki haalde ɗee hare.
