Amnesty Winndere yaltinii hollitol ɓanngingol mette maɓɓe ko yowitii nanngugol e hoore ko aldaa e daliilu « Guy Herve KAM » laabiyankeejo e Letinan-Kolonel Emmaniyel Zugrana konunkoojo diftaaɗo mo kabaaruuji mum heɓaaki tawo.
Saakitaama ñannde : 01/06/2024 – 17:38
1 mintj
Samira Daoud, hooreejo « Amnesty Internantional » catal Hirnaange Afrik e Afrik Hakkundere hollii mette mum e battane jaggugol Me Guy Herve Kam, mooftaaɗo to kaso koninkooɓe, sabu tuumireede mo kompulo e dillinde kisal laamu.Meɗen miijii wonnde ɗee tuumanɗe ngalaa daliilu, kadi meɗen laamndii daccitgol mo, ko buri yaawde, ko ɗum nantini oo hooreejo e hollitol. Hollitol ngol no arti kadi e alhaali letinan-kolonel Zungrana, mo yimɓe jogiibe kabirde tuumaabe jeyeede e ƴettanooɓe laamu kabaruuji, nawi. E gila ɓen yaadi e makko o yiitaaka.Amnesty Oecuménique lamndike Ardiiɓe Burkina Faso nde caakitata kabaaruuji humpitooji nokkuure ɗo oo konunkeejo woni e ko o jaggiraa; eɓe lamndii ɗaccitegol mo kanko kadi ko ɓuri yaawde.Jaggugol ɓee ɗiɗo waɗii caggal nde cuuɗi ñaawirɗi njamiri daccitgol « Me Guy Herve Kam ». E ngol hollitol Amnesty hollii ngoƴo mum e ɗee pellite de ɗoftaaki sariya e ngol sukkugol nanngugol yimɓe jeyaaɓe e sape sosiyete siwil ko aldaa e daliilu. Ɓurii hitaande oo musiiba no jaalii e nder Burkina Faso.Amnesty Winndere yaltinii hollitol ɓanngingol mette maɓɓe ko yowitii nanngugol e hoore ko aldaa e daliilu « Guy Herve KAM » laabiyankeejo e Letinan-Kolonel Emmaniyel Zugrana konunkoojo diftaaɗo mo kabaaruuji mum heɓaaki tawo. Burkina Faso: Amnesty Winndere ƴamii yo « Guy Herve Kam » e Letinan-kolonel Zungrana yoppite kisan
