Senegal, oo sosiyete Softcare hino e alhaali sattuɗo hannde. Ɗum ko gila nde suudu Senegaal toppitiindu laaɓal huutorteeɗi, no wi’e « APR » holli wonndema kuusuuji boobooɓe (gunite derrière petits) e musuwaarji ɗi sosiyete moƴƴinta hino ŋakki laaɓal. Hayso tawi nduu suudu artii e ngal pellital, wittooɓe mayru kañun holli wonndema ɗii kuusuuji e musuwaarji Softcare haanaka gollireede walla huutoreede, sabu ɗi laaɓaa. Ŋakkeere laaɓal huutorteeɗi walla gollirteeɗi e nder Afrik ko huunde yaajunde. E nder leyɗeele heewɗe e ndee duunde, ñaameteeji e gollirɗi bonɗi hino yi’e e nder loomuuji. Holko saabii ɗum? Holko woni battane mun e cellal yimɓe ɓee? Koɗo men hannde ko Mamadou Lamarana Diallo, jannginoowo wiɗtotooɗo, tawaaɗo e fedde Guinee daraniinde huutortooɓe. Himo jaaboo lamnde Ibrahima Timbi Bah.
Avènement link
