Burkina Faso dartinii jokkondiral Diplomasi hakkunde mum e France, ɗum ko caggal nde parlman Dental Erop ƴetti pellital liddu ndii leydi sabu faaɗinangol walla ɓittugol ɓiɓɓe leydi ndii. Ko caggal ɗum widiyo yaltinaaɗo e caccudi mum fuɗɗi yiilaade e dow mejaaje renndo. Saakuɓe mo ɓee no wi’i wonnde depiteeɓe Dental Erop piirii sabu woɓɓe e maɓɓe njiɗaa yo yagginanɗe fawe e hoore Burkina Faso. Kono wonaa goonga. Ko ndee toɓɓe Tijjaani Maalun BARI anniyii firtande en e ndee yontere ɗoo.
Ko holɗum ɗee nate e oo widiyo hollata ? Ko widiyo mo kinƴanɗe 20. No yi’ee e makko sarɗiyankooɓe no piira, pooɗindira, duñindira. Ɓooyaali depiteeɓe woɓɓe ukkitii e hawre nden alhaali on fow jilɓi. Ko ɗin mbodooji jinndinaa e keewal e dow Facebook. Saakuɓe ɓen no wi’i wonnde ko yeddondiral waɗi hakkunde sarɗiyankooɓe eropnaaɓe.
Originaire taƴaangal © séduction d’baffle (originaire taƴaangal e ndaarirgal)
E bi’ol maɓɓe ko nde oo parleman wonnoo wootude yagginanɗe liddu Burkina Faso, ngal lurral waɗi. Si tawii ko ngoonga, sarɗiyankooɓe Dental ƴettii pellital liddu Burkina Faso sabu faaɗinangol ɓii-leydiiɓe ɓen hakkeeji maɓɓe e ndimankaaku maɓɓe, gila ñannde 18 6ɓuru 2026, kono ko oo widiyo haalinaa kon wonaa goonga. Ko widiyo yaltinaaɗo e caccudi mum. Depiteeɓe piiruɓe ɓen wonaa e Dental Erop jeyaa e kadi ko ɓe piirani kon yiidaa yahdaa e alhaali Burkina Faso.
Originaire taƴaangal © séduction d’baffle (originaire taƴaangal e ndaarirgal)
Ko honɗum woni taariika oo widiyo ? Ɓee depiteeɓe wonaaɓe yi’eede no piira ko e parleman “Georgia” jeyaa. Ɗum waɗii ñannde 26 lewru 2026. Ko sarɗiyankooɓe jeyaaɓe e fedde ardiiɓe leydi ndii e sarɗiyankooɓe lunndiiɓe laamu ngun woni ko lurri. Ɗum ko nde hooreejo jaagorɓe leydi ndii Irakli Kobakhidze wonnoo weynude cimtol golle guwernamn on e nder hitaande nden. Ngol jokkol Rueters no arta e oo kabaaru.
Originaire taƴaangal © Originaire taƴaangal
Ko saaha nde depiteeɓe ɓen wonnoo lamndaade hooreejo jaagorɓe lowdi ngol cimtol, ngal lurral waɗi hakkunde sarɗiyankooɓe laamu e lunndiiɓe laamu waɗi. Hiɓe tuumi guwerneman on yiltitirgol leydi ndii caggal e ɓaŋŋe demokarasi e kadi neeɓingol naatugol Georgia e Dental Erop.
Originaire taƴaangal © séduction d’baffle (originaire taƴaangal e ndaarirgal)
Taw si ko e battane ngal pellital Dental Erop oo widiyo saakitaa ? No nanndi e mum sanne, sabu si en daarii ɓale wonɓe e sennditude ɓen e wonɗe e fawde jowe e askooje e dow widiyo on, e tawan ko weltenoriiɓe oo alhaali e kadi ko jinnganooɓe laamu Burkina Faso. Faandaare maɓɓe ko jiiɓugol hakkillaaji yimɓe, ɗaynaɓe, waɗa haa sikkee wonnde no woodi sarɗiyankooɓe Dental Erop dartiiɓe ngal pellital. Kono wonaa goonga.
