E aset (asewe) yawtunde ndee, Mali, Burkina e Niijeer siifuno nanondiral iniraangal « Sarti Liptako Gurma ». Faandaare nden ko gollidude e baŋŋe ndeenaagu e wallindirde tawa kala leydi meemaandi, leyɗe heddiiɗe ɗen waawa yotanaade ndi. Ko saabi ɗee leyɗe tati Sahel habbii haa hannde si ɓe siifi ngal nanondiral? Mbele mbuuɓi gollirɗi ndee fedde wonantaa ɓe caɗele? Mbele ndee fedde no waawi haɓude no haaniri non rafi ndeenaagu e nder Sahel? Ko Dr Mansuur LI woni koɗo men hannde ko ko o jannginoowo e wiɗtotooɗo ka duɗal mawngal ngal Nuwakshoot, heertorɗo ndeenaagu. Himo jaaboo lamnde Abdullaay Jallo.
Dr Mansur Lii, hertorɗo sariya winndere © RFI FULFULDE
