Nuwaasot, sukaaɓe rewɓe ina ngolla e nder gaarasuuji. E ngal meccal ngal yimɓe heewɓe mbiyata ko worɓe tan njeyii, keerorii. Ɓee sukaaɓe rewɓe ina njannga feewnude motooji otooji e weltaare mawnde. Eɓe njiyee no ɓe ngollortoo nih ina tiiɗi, juuɗe maɓɓe ina modda geres mbele otooji ɗii ina mbaawa artude e laawol peewa. Hay so tawii kadi wonaa ko ine weeɓi masse no yimɓe ɓee ndaardata ɓe, hannde ɓe keɓii teddungal dow yimɓe ɓee sabaabu karallaagal maɓɓe, mbaawka maɓɓe. Hol ɓee sukaaɓe rewɓe ? Holko waɗi ɓe cuɓii gollal mekanik ? Keɗo-ɗen nguurndam ɓee rewɓe wayluɓe miijooji sukaaɓe rewɓe e nder leydi Muritani.Oumar ELHADJ Thiam ina nawa en e ɓee rewɓe hollirɓe wonde debbo ina waawigollude kala gollal.
Montée link
