Gila ñannde 28 lewru faltiindu seppooji mawɗi hino jaali Iran. Ɗiin ko fuɗɗori ko hollugol mettu-ɓernde sabu satteendi ngurndam, si ɗi sakkitori laataade ŋiñirɗi laamu Iran. Seppooɓe teemeɗɗe walla ujune waraama si en tuugike e limoore pèlerine ɗe humondiraa e laamu. Kono kabaaruuji laaɓuɗi hino saɗti heɓude Iran hannde sabu hooreeɓe leydi ndin taƴi talifon einternet. Ko holɗum woni caggal ɗii seppooji? Taw si ɗii waawan liɓude laamu Iran joɗiingu gila hitaande 1979? Holko wonata darnde Dawlaaji Ndentuɗi Amerik, caggal nde Donald Trump hajii laamu Teheran warugol ɓee seppooɓe ? Koɗo men hannde ko Anta Barry hertoɗo gollidal hakkunde leyɗe. Himo jaaboo lamnde Ibrahima Timbi Bah.
Entrée link
