Fedde Hesniiɓe e Alyetimeeɓe Moritani yuɓɓinii subaka hannde alkamisaare diiño, yeeso Komisariya toppitiiɗo Hakkeeji Aadee to Nouakchott. Faandaare ngooɗoon seppo ko geɗe ɗiɗi : ɗaɓɓude ñaawoore mbele tuumaaɓe warngooji worɓe maɓɓe ɓee ñaawee, e salaade ndaamordi ndi laamu Moritani rokki tooñaaɓe e waranaaɓe kewkewe 1989. Sonia Haydara Bocoum, daraniiɗo Hakkeeji Aadee, ina tuumi laamu Moritani yiɗi ko ubbude oo ɗoo doosiyee rewrude e rokkirde kopporeeje. O teeŋtinii wonde rewɓe hesniiɓe ɓee ina kebii jaɓde toɓɓe nay ɗee (Goonga, Siftorde, Moƴƴitingol, e Ñaawoore), tee ɓe ƴeewaani kaalis.
Primeur link
