Caggal nde suudu sarɗiiji nduu wooti ittugol hooreejo leydi ndii e jappeere mum, konuŋkooɓe tawtuɓe seppooji generation Z ɗii, ƴettii laamu nguu gila ñande talaata 14 lewru 10ɓuru. Be pusii Senat oo e suudu toowndu dosgal leydi ndii. E nder ɗum galle laamorɗo Madagascar waɗii winndannde ngam anndinde wonnde laamu Andry Rajoelina saamaani tawo. Ko talaata hanki ndee winndannde ɓayyina e dow mejaaji renndo ɗii. Galle laamorɗo oo ñiŋii golle konuŋkooɓe ɓe o innirii murtuɓe. Kono Nduu suudu toowndu doosgal leydi ndii, wi’aandu fusaama, anndinii wonnde teskiima ŋakkeere golle hooreejo leydi ndii. Ndu noddii konu nguu, e innde kolonel Michal Randrianirina yo ɓam golle hooreejo leydi ndii.
Minati JALLO
Primeur link
