Joɗnde 80ɓiire fedde ngootaagu winndere joofay altine hannde 29 lewru 9ɓuru to New York. Joɗnde ndee waɗi ko e sahaa mo winndere ndee wuuri caɗeele,teeŋti noon e hare hakkunde Russie e Ukraine, kam e caɗeele Palestine. Ina jeyaa e ko ɓuri teeŋtude e ndee jonnde, ko France e ko ɓuri leyɗeele sappo goɗɗe njaɓi goodal dawla Palestiin.. Nde ɓe kaaldata e batu nguu, heewɓe e ardiiɓe leyɗeele e laamuuji Afrik noddii yo njuɓɓudi ndii wayle. Woɗɓe ɓuri haalde ko geɗe ngenndiije, ko wayi no leyɗeele jeyaaɗe e dental leyɗeele Sahel, gonnduɗe hannde e caɗeele kuliyaŋkaagu. Holno pot-ɗen yiyrude golle ONU e nder caɗeele jam e kisal ngonɗe hannde ɗee, duuɓi 80 caggal ko ndee fedde sosaa ? Mbele Fedde ngenndiije dentuɗe ina foti wayleede ? Mbele haa jooni doŋre Afrik ina waawi jogaade darnde e nder salndu ndee fedde tambiinde kisal? El Hadj Amadou Oury Diallo, gollatnooɗo e nder ONU, gonɗo hanndee foftere (subventionné) yeewtidii e Abdulaay Jallo. Ko kanko woni koɗo men hannde.
Envoi link
