Mali, dognooɓe ɗiɗo e noyo ekkittooɓe golle dognugol ɓiɓɓe Senegal ndiftaama alhamiisa hecci-hanki. Ɗum waɗii e diiwal Kaye e bannge hirnaange leydi ndii. Ko e sahaa nde ɓe ngonnii kamiyon maɓɓe, iwde Dakar faade Bamako, jom en kaɓorɗe palliiɓe e laawol ngol to Kaye ndiftiiɓe. Ko noon humpitiri Sendikaaɓe gollooɓe e waɗɗeteeɗi Senegal (URS). E bi’ol maɓɓe oo kamiyon nawannoo ko jeeyeteeɗi giwɗi kaggule laaɗe Dakar faade Bamako. Ɗum noon waɗi ko tawa e ñalaaɗe seeɗe tan caggal, jihaadiaynkooɓe en tawaaɓe e fedde Gsim nantinnoo uddan laawol e yoga e nokkuuje gonɗe e bannge hirnaange Mali, nokkuuje keerondirɗe e Senegal. Keɗoɗen Daouda Lo nantinoowo konngol fedde URS, omo arta e oo alhaali e faandu haala Salif Sakhanokho. Aysatu Lih
Préliminaire link
