Guinée, Binette politik luulndiiɓe laamu noddii seppo ñande 5 lewru 9ɓuru. Ɗum ko ngam hollugol salaare maɓɓe heddagol total Mamadi Doumbouya e hoore leydi Guinée. Oɗon nganndi, en keɗiima hanki e oo sahaa ɗoo, Cellou Dalein Diallo luulndiiɗo laamu Guinée, gardiiɗo fedde politik UFDG. Kanko e wonndiiɓe makko, ɓe tuumi total Mamady Doumbouya, oo konunkoojo ardiiɗo laamu faddewu waɗugol sariya mawɗo keso ngam heddaade e laamu. Ƴettoowo konngol guwerneman on hino mettini e ngoo seppo. Ousmane Gaoual Diallo nantinii wonnde ɓe jaɓataa dawroyankooɓe jooɗiiɓe caggal leydi ina caaboo bone e nder leydi ndii. Ko kanko woni koɗo men hannde. E faandu Ibraahiima Timmbi Bah, o artii e toɓɓe goɗɗe hono woote hooreyaaku saatiiɗe e ndee hitaande hikka. Heɗoɗen.
Commencement link
