Caggal lewru gila hawre aafii hakkunde Israayel e Hezbollah bone ɗen no jokki. Imminaɓe guwerneman Amerik yiidii e guwerneman Benyamiin Netanyahu fii ɗaɓɓugol nanondiral e ɗanningol yiite hakkunde haɓooɓe ɓee ɗiɗo, kono hannde kadi fiyanɗe wonnde waɗii kadi e dow weeyo Beyruuth, baŋŋe worgo, nokkuure ɗo jeyaaɓe e fedde Hezbollah ɗuuɗi. Liban no tuumi Israayel salagol dartingol ɗii kareeli.
Gila ndee hawre fuɗɗi addi hannde, ɓurii lewru seeɗa. Tuugaade e limoore nde AFP waɗi tuugiinde kayre kadi e keɓe lawɗinaaɗe guwerneman on, timmii 1829 yimɓe ko maayi e nder Liban. Gaza kadi ko ɓuri yimɓe ujune 43 314 maayii e ndee hawre hakkunde Hamas e Israayel. Ko ɓuri ɗuuɗude e ɓee mbaraaɓe ko siwilɓe. Ko jaagorgal toppitiingal cellal e guwerneman Hamas jonni ndee limoore nde Dental Adunaaru goongini.
Envoi link
