Hannde kadi en jokkan jantooje men e nder departeman Welinngara, tawteeɗo e soɓɓundu fuɗnaage worgo Senegaal. Hannde en kaalan alhaali golle sukaaɓe e ndee falnde. Ngam haɓugol waasere golle sukaaɓe walla golle ɗe ɗuuɗa nafa e haɗugol sukaaɓe ɓen nanngugol laawi ɗanle ɗi ɗoftaaki sariya, sukaaɓe buy jeyaaɓe e ndee nokkuure nanngii demal. E bi’ol sukaaɓe ɓe men kaaldi ɓen, ɗee golle no wonndani ɓe nafoore mawnde, hiɓe lamndii yo laamu ngun wallito ɓe e ɗee baŋŋe sabu ngal demal wallan leydi ndin daña haarande e kadi ɗum wallan sukaaɓe ɓen heddoo e nder leydi ndin tawa ɓe nanngataa laawi faade e Erop walla Amerik ɓe ɗacca gure maɓɓe. Alasaan BA
[natal yeru] Getty Images/Travel Ink
