Iran
Ko hannde ubbetee (surretee) Ibrahim Rayisi hooreejo Iran e nder Mashaad, wuro wonungo e fuɗnaange leydi ndin. Balɗe joyi hannde,gila oo hooreejo no du’anee. Ko hanki, ardiiɓe leyɗe jokkondiraaɗe Iran e leyɗe ɗuɗɗe tawaa e nder genndiire nden ngam teddinde mo. O yawtii e nder sammere elikopteer kanko, e yimɓe jeeɗiɗo ino tawaa e ɓen Hoseyn Amiir Abdollahiyan, jaagorɗo kalfinaaɗo jokkondiral Iran e leyɗe janane. Masiiba kewtuɗo ñannde alat 19 lewru 5ɓuru tawi omo wonnoo e njilu fii udditugol baraasi Qiz Qalasi.
Saakitaama ñannde : 23/05/2024 – 20:44
Ko yimɓe ujune yalti tawtoreede surrugol Ibrahim Raysi; Taharan, Iran, ñannde 22 lewru 5ɓuru 2024. © Majid Asgaripour / Reuters
