Hooreejo RDKonngo, Félix Tshisekedi yottiima hannde to Mise, laamorde Fransi. E nguu njillu ngu balɗe ɗiɗi, golle mawɗe no fadaa, gila e jeewte hakkunde makko e dawriyankooɓe Elysée, to suudu sarɗiyankooɓe, jonnde faaguduyankoore. Caggal ɗum oo horeejo yiidan e ɓiɓɓe leydi makko wonunɓe e nder Fransi. Jantoore Muusa Umar Bari
Saakitaama ñannde : 29/04/2024 – 15:21
1 mintj
Ɗum ko gollidal hakkunde leyɗe ɗiɗi ɗee, e projectile milliyonji 34 ɗii Fransi fodanno loriiɓe e fitinaaji to fuɗnaange RDC e toɓɓe goɗɗe.E nder nguu njillu ko adi homo yaha, tawi jaagorɗe makko hono kalfinaaɗo jokkondire e mo nafgugol keblinoo nguu njillu tawi ko hakkunde diplomasi e faggudu. E nder nguu njillu, Félix Tshisekedi yiidan hannde e senateer to ñiɓiirde maɓɓe. Talaata janngo, o yidan e nanndo makko Emmanuel Macron to galle lamorɗe ɗe hono Elysée. Ko faati e fitinaaji to fuɗnaage RDC, maa jeye e toɓɓe ɓurɗe hatinjiinde e nguu njillu. Ɗii fitinaaji ko hakkunde konunkooɓe RDC e murtuuɓe M23 heɓooɓe mballa Rwanda e bi’ol RDC. Tina Salama, tambiiɗo konngol galle lamorɗe RDC, anndini wonnde hay caɗeele grands lac ma jeyye e jeewte. Sabu fransi no tawa e salndu ONU tambiindu kissal. Faggudu hedani caggal e nguu njillu sabu e njillu ngu Emmanuel Macron waɗno to Kishan, o yadiini jomen entreprisaaji keewɗi. Ɓeen no njoggi fedde noddirteende MEDEF, ɓee njidan e horeejo RDC.
