Altine, ñannde 18, 3ɓuru 2024, en yewtan hannde kadi ko faati e alhaali dawro Senegaal. Ko e balɗe sakkitiiɗe orgal hooreyaaku ngal wonaa e mum. Ko e alat waroore woni ñalaande happande fii yuɓɓingol woote ɗen. Kandidaaɓe 19yo ƴamooɓe lefol hooreyaako Senegaal no yiilaade, mo kala e senngo mum e nder leydi ndii. Hiɓe jokki anndinnde walla felsitude eɓɓooje e paandaaje ɗe ɓe joganii Senegalnaaɓe si ɓe arii laamu. Hanki Buubakaar Kamara gooto e kandidaaɓe ɓen, no wonnoo Senluwi e nder rewo leydi ndii. O holluno faale makko ko yowitii e ndartugol (ƴeewugol) noone aadode siifaaɗe e dow awo. Aamadu BA kañum kadi ko Tammbakunda ñalli keeŋa. konko kadi o anndinno no o eɓɓi laamoraade leydi ndii si tawii o wootanaama. Usmaan SONKO kañum kadi, gilla bimmbi ñannde o accitaa, o waɗuno yewtere yeeso jaayndeyankooɓe ɓee. O holluno wonnde Basiiru Jomaay FAAY kandidaajo maɓɓe foolan gilla ka rogere aranere suɓngooji.Ko holno ñaawirɗon no orngal ngal woni e yaarude non gila Usmaan SONKO e cukko makko yoppitaa?Taw so caɗeele dawro Senegal heddorii caggal?Hiɗon jogii yaakaare wonnde suɓngooji ɗin waɗan e alat e hoore deeƴere?
Aamadu BA, Kandidajo wooteeji hooreeyaaku © Gandhy Ba
Hiɗon waawi neldude men lamndal ngal yiɗuɗon yo men jaabo e guurol. Okkee miijo mon e ndee toɓɓere ka tongoode watshapp : 00221766441280.Heɗee jeewte O.K. fow ka kelle O.K. Facebook e Twitter: RFI FULFULDEOn Tottaama Konngol ko ñalaande kala gila njamndi 13:15 faa 13:30 (GMT).