Hannde e altine ñannde 4 lewru 3ɓuru 2024 ka taskaram men On Tottaama Konngol, en yewtii ko yowitii e alhaali dawro e renndo Caad. Hooreejo laamu faddewu nguu, Jeneral Mahammaat Idriis Debi fiɓii tawtoreede e suɓngooji hooreyaaku happaaɗi ñannde 6 lewru 5ɓuru arooru ndu. O hollitii ngal pellital makko balɗe tati caggal nde Yaaya DILLO, lunndiyankeejo ɓurɗo e tiindaande laamu nguu maayii e ley gaañanɗe ɗe konu nguu woni sabu mum. Mahammaat Idriis Debi ko gila ñannde 20 lewru nayaɓuru hitaande 2021 ardii leydi ndii. O foduno waɗugol lebbi 18 tan ka ƴanngal, yuɓɓina suɓngooji ɗin, jonnita laamu ngun siwilɓe ɓen. Kono ɓawto mum o juutiniri duuɓi ɗiɗi happu laamu makko, e kadi doosngal leydi wootanagal ngal newnanii mo taweede e suɓngooji hooreeyaako Caad?Ko holno ñaawirɗon ngal pellital Mahammaat Idriis Debi taweede e suɓeteeɓe ardagol Caad?Ko holɗum ngal pellital waawi battinnde e alhaali renndo e dawro Caad?
Mahamaat Idriis Debi Itno, hooreejo laamu faddewu Caad © AFP – DENIS SASSOU GUEIPEUR
