SEDEYAAWO(CEDEAO) fuɗɗiima ruttaade caggal e darnde mum darinoo e fawde leeɓte e dowu leyɗe ɗe militeer en keɓti laamii ɗee.
Sedeyaawo ellee fuɗɗiima faamde walla jaɓde ko fergitere rufi hiraande mum kono wonaa ɗo hiraande nde yani ɗoo.
#SEDEYAAWO yo jaɓ ko kamɓe laamminaaɓe ɓe ndillinta leyɗe ɗe haa caɗeele koɗoo leydi koɗa e mum kisal e deeƴre egga joomo leydi en ɓe(militeer) en keɓta leydi mum en njooɗoo heen walla ko ɓuri ɗum jola e leydi.
Pergitiiɗo yani gaañii woto ƴeew ɗo yani gaañii ɗoon, yo o ƴeew to o fergitii too.
Ko ciltirɗe laamu gooto e lamminaaɓe ɓee tan laamu mum wontanta leydi ƴiiwoonde roŋkaande yo siltu dawetaake jooɗetaake, ɗo wonnoo karaaje joorɗe fof wonta beeli na yoola yimɓe.
Laamuuji ɓeydeteeɗi tawa ndiin leydi aadoraaki ɗuum fiɓondiraano ɗuum e lamminaaɗo mum, ko ɗuum tan haɗi afrik deeƴde saka ñiiɓna kisal e nder mum tabitoo heen.
Senegaal e koddiwaar puɗɗinooma won’de daarolgal afrik, kono daarolgal ngal fuɗɗiima waɗde punndi na hulaa woto punndi ndi wontude puunam.
Renndo koddiwaar ko renndo mawngo suɓiingo deeƴre e kisal tan kono alasan daraame watara naatniino leydi ndi e ko dillinta ɗum tawde kay leydi ndi suɓanii hoyre mum ko laamuuji daɓɓi taƴanaaɗi daawe, kono noon yettoore woodani ko Allah ɓesngu iwaarnaaɓe na nganndi baɗtane bone hay sinno ɓe meeɗaa wuurde ɗum ne.
Senegaal ne hannde uulii aawdi mum nani fadi e ƴiiwoonde, kono duule ɗee ndonkaama yo ndenndu fuɗɗaama huleede caayal ƴiiwoonde nde aawdi ndi mooƴta e leydi.
IDRISSA KAH
 fuɗɗiima ruttaade caggal e darnde mum darinoo e fawde leeɓte e dowu leyɗe ɗe militeer en keɓti laamii ɗee.Sedeyaawo ell…){kind=link}