Suka ginenaajo wi’eteeɗo Mammadu Saafa’iiyu BARI doginii puccu-njamndi (welo) kilooji 4000 fii faale jangugol ka duɗal mawngal Al-Azhar wonugal Qahira laamorde Misra (Ejipt), ɗuɓal ngal o yelinoo. Oo suka mo duuɓi 25 ko ñaannde 17 lewru 5 ɓuru 2023, o iwi Gine o rewi e leyɗe 5 hirnaange Afrik si o hewti Caad e nder lebbi 2. Sabu mejaaje renndo, o heɓuno ballal, yahi haa hewti Ejipt (Misra) , nokku ɗo o woni e janngude fewndo ɗoo. Ndee wakkilaare e ndee nawaare makko wonii sabu yimɓe ɗuuɗuɓe e nder aduna no haawii ngal pellital oo suaka. Mammadu Saafa’iiyu hino sifoo ko honno ndii safaari makko feƴƴiri. Mammadu Aadama JALLO.
Saakitaama ñannde : 05/01/2024 – 18:41
Will Smith fijoowo filmuuji ameriknaajo lolluɗo e Mammadu Saafa’iiyu BARI suka ginenaajo doginɗo puccu-mjamndi ( welo) kilooji 4000, tawi eɓɓoore makko ko yahugol ka jaaɓi-hattirde Al-azhar, Ejipt (Misra) o janngoya. Kamɓe ɗiɗo ɓe yewtii hanki e dow internet. ©
